-->

Contoh Umpasa Batak Mangadopi Natua-Tua

Wargabatak.Contoh Umpasa Batak Mangadopi Natua-Tua.Umpasa Batak Adalah:Kesusastraan Suku Batak Toba yang termasuk Kedalam Puisi/Pantun Berupa Syair Atau Puisi Yang Mengandung Pernyataan Resu,Doa,Nasehat,Dan Harapan Untuk Orang-orang Yang Mendengarnya.

Pada Bahasan Artikel Ini adalah Umpasa Batak Mangadopi Natua-tua Dalam Adat Istiadat Suku Batak.Umpasa ini bisa kita Gunakan atau ucapkan ketika kita ikut dalam menghadapi Acara Ulaon Natua-tua manjalao sipanganon dari anak-anaknya.

Umpasa Batak Mangadopi Natua-tua

Contoh Umpasa Batak Mangadopi Natua-Tua
Wargabatak:Umpasa Dalam Budaya Batak



"Tinampul bulung ni sabi nibutbut pinaspashon,
I dope na tarpatupa hami ba i ma jolo tahalashon"

"Dijolo raja sieahan, dipudi raja sipaimaon (hormatan do natua-tua dohot angka raja)"

"Sada silompa gadong dua silompa ubi, sada pe namanghatahon sudema dapotan uli"

"Pitu batu martindi sada do sitaon nadokdok (unang maharaphu tu dongan)"

"Jujur do mula ni bada, bolus do mula ni dame (unang sai jujur-jujuri salani dongan, alai bolushon ma)"

"Siboru buas siboru Bakkara, molo dung puas sae soada mara (dame ma)"

$Sungkunon poda natua-tua, sungkunon gogo naumposo (bertanggung-jawab)"

"Andor halumpang ma togutogu ni lombu dohot togutogu ni horbo laho tu Lapogambiri
Sai saur ma hamu leleng mangolu paihutihut pahompu sahat tu na marnono dohot marnini"

Hata sian undangan tu natuatua i:Polta bulan i Ama ni Manggule: Ro nuaeng angka pomparanmu mamboan sipanganon ba dohot hami mauliate

Tubu ma singkoru di dolok ni Simamora
Sai torop ma anak dohot boru na basa jala sisubut roha

Tubu dingindingin jonok tu simartolu
Horas ma tondi madingin pir tondi matogu

Sai ro ma nipi na uli sai leleng hamu mangolu
Haliangan ni nono dohot nini raphon anak dohot boru

Hata ni undangan tu ianakkon na mamboan sipanganon :Binolus Purbatua laho tu Parsingkaman
Naburju marnatuatua ingkon sai dapotan pandaraman

Laho pe ibana mangula sai na dao ma parmaraan
Sai dapotsa na niluluan sai jumpang na jinalahan

Taringot di sipanganon na binoanmuna tu natuatua i :
Disi do gandina, disi do nang gandona
Disi do daina disi do nang tabona

Sirsir ansimna jala hona dohot asomna
Asa dohonon nami ma :
Bagot na marhalto ma di ladang ni Panggabean
Horas ma hami na manganhon, lam martamba sinadongan di hamu na mangalean

Ia siula tano do hamu ba on ma dohononnami :
Binanga ni Sihombing binongkak ni Purbatua
Tu sanggar ma amporik tu lombang ma satua
Sai sinur ma pinahan gabe na niula

Molo partigatiga do hamu ba on ma dohonon namu :
Tinampul bulung bira bahen saong laho tu ladang
Sai mangomo ma hamu sian tigatiga ba sai maruntung ma sian dagang

Molo tung sipata rugi hamu ba sai dapot nian nidok ni umpasa :
Soban rantingranting soban ni Sijamapolang
Ba molo rugi hamu sian antinganting, ba sai mangomo ma sian golang

Molo pegawai do hamu ba on ma dohonon nami :
Tinapu bulung salaon dongan ni bulung si tulan
Ba sai naek pangkat ma hamu ganup taon, sai tamba gaji tiap bulan

Molo adong di hamu na so hot ripe dope on ma dohonon nami:
Parik ni Lubutua hatubuan ni bulu duri
Na burju marnatuatua sai ingkon dapotan rongkap na uli

Baangkup ni i :
Molo adong disi hulingkuling sai adong ma disi holiholi
Molo adong disi na so muli sai adong do rongkap ni i naso mangoli

Sahatsahat ni solu ma sahat di rondang ni bulan
Sai leleng ma hamu mangolu jala sai dipasupasu Tuhan

Itulah contoh Contoh Umpasa Batak Mangadopi Natua-Tua



0 Response to "Contoh Umpasa Batak Mangadopi Natua-Tua"

Posting Komentar

Silahkan Berikan Komentar Maupun Kritik Yang Membangun Dilarang Meninggalkan Komentar Yang Bersifat Asusila,Narkoba,Mari Hormati Ras,Agama,Dan Budaya.
👋HORAS👋

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel