Contoh Mandok Hata Pasahat Ulos Tujung Dan Pasahat Ulos Saput

 Warga Batak.Contoh Mandok Hata Pasahat Ulos Tujung Dan Pasahat Ulos Saput Pada Adat Batak. Ulos Tujung Atau Ulos saput merupakan salah satu ulos yang digunakan atau diberikan dalam upacara adat kematian Pada Suku Batak.

Contoh Mandok Hata Pasahat Ulos Tujung Dan Pasahat Ulos Saput Pada Adat Batak
Gambar Ilustrasi Pasahat Ulos source:Facebook.com


Ulos Tujung Akan Dikenakan dikepala Orang yang ditinggalkan.Sementara Ulos Saput adalah Ulos yang diberikan atau dikenakan pada orang yang meninggal sebelum di kuburkan/dimakamkan.

Ulos Saput Hanya di pakaikan Pada Jenazah yang sudah menikah(Marhasohotan).Bagi orang yang meninggal namun belum menikah biasanya akan langsung dikuburkan.

Untuk Jenazah laki-laki biasanya Ulos Saput akan diberikan oleh tulang(saudara Laki-laki Dari Ibu yang meninggal).Sementara untuk jenazah perempuan Ulos saput akan diberikan oleh Saudara laki-laki atau ito dari Jenazah Tersebut.

Ulos Tujung Biasanya Berdampingan Dengan Ulos Saput.pada postingan Artikel ini akan dijelaskan Contoh Mandok Hata Bahasa Batak Ketika memberikan Ulos Tujung(Pasahat Ulos Tujung) Dan Mandok Hata Ketika Memberikan Ulos Saput(Pasahat Ulos Saput).

Contoh Mandok Hata Pasahat Ulos Tujung Dan Pasahat Ulos Saput

A.Mandok Hata Pasahat Ulos Tujung 
Mandok Hata Pasahat Ulos Tujung Dari Hula-hula Degan Menyiapkan Ulos Sibolang Adalah Sebagai Berikut:

“Hamu ito ! Dipaporsanthon Tuhanta do tu hamu nuaen sada sitaonon na dokdok. Huantuasi hami do ito, tung mansai borat do sitaonon on tu hamu na songon udan na so hasaongan, songon alogo na so hapudian. Alai ingot hamu ito, ndada holan hamu mamorsan na dodok i, dohot do nang hami hulahulamuna.

 I ma umbahen na ro hami nueng mandapothon hamu tu son laho mambahen tujungmuna. Simbol manang tanda do ito on, paboahon tu hamu na adong do hamu hulahulamuna na mangkaholongi hamu. Nuaeng ito jalo hamu ma tujung on. (Ditunjungkon ma Ulos i tu atas simanjujung nasida, jala diuduti hatana). 

Jadi ale ito, songon tujungi naung ampe nuaeng di manjujungmuna, songon i ma dohot holong ni rohanami dohot tangiangnami mandongani hamu dohot angka berenami i sude. Angkup ni i, ingot hamu ito, hatani Tuhanta na mandok: “Ahu do ama di angka na mabalu dohot diangka dakdanak na so marama”

Jadi na mabalu na olo manjalo jala mangkaporseai hata i ndang pola be mabiar manang ganggu di hangoluan siapari, ai Tuhanta do silehon I sude. On pe ito, sai hipas ma angka berenami i, songon i nang hamu sai hipas sahat tu na sarimatua patureture Nasida. Botima.

Setelah Selesai,Maka Akan diikuti hata mangampu yang biasanya dari Sudara(Kahanggi Dari yang Mabalu) Dengan mengucapkan Kata Seperti berikut;

“ Hamu hulahulanami, na huparsangapi hami, songon hata ni angka omputa sijolo jolo tubu: Hamu hulahula do di hami songon mula di mata nia ari binsar silehon pasu-pasu songon wakil ni Tuhan. 

Mauliate rajanami jala malambok pusu siala haroromuna dohot pemabahenanmuna na pataridahon holong ni rohamuna di inanami na marsitaonon on dohot di angka ianokkonnami i laos songon I dohot di hami saluhutna na ditinggalhon ni amanami na moding on.

 Nungga diampehon hamu tujung di atas simanjujung ni inanami on, jala di paboa hamu tanda do I na pataridahon holong ni rohamuna. I ma tutu rajanami, toho do I, jala diparnidaannami pe holan tujung I do na tarida ampe di simanjujung ni inanami on, ianggo na situtuna tangan ni hamu hulahulanami do na ampe di atas simanjujung ni inanami laho mamasumasu nasida dohot mangondingi sian nasa mara marhitehite Tuhanta na gabe taoar sipalambok dohot ubat sipangalumi di inanami on dohot di hamu saluhutna. 

Tuhan ma raja nami na mangalehon marlipat ganda pasupasu na hamu balos ni na dengan binahenmuna. Boti ma.

B.Mandok Hata Pasahat Ulos Saput  Adalah Sebagai Berikut:

Di hamu parboruon nami , tarlumobi ma di Ibotongku dohot di hamu berenami na marhaha maranggi, suang songoni di sude hamu namardongan tubu, na dohot do hami Tulangmuna, Nantulangmuna dohot Ompungmuna, sude hami na pungu on marhabot ni roha diparmonding ni lae nami ima Ama na ta haholongi on.

Najolo diparsorang ni lae nami on,  dipasahat Tulangna do Ulos Parompa ima songon lampin ni Berenami on. Nuaeng nunga monding ibana, ro ma hami Tulangna pasahat Ulos Saputna.Asa dohononnami ma tu hamu ito borunghu Nai Ferdy dohot tu sude hamu bere dohot ibebereku :

 Hupasahat hami ma Ulos Saput on tu laenami naung monding on, dohot pangidoan di tangiangnami tu Amanta Debata Parasi Roha i, asa manaputi Parhorason, Panggabean sian pasu-pasu ni Tuhanta di hamu sude na tinadingkon ni laenami on.

Borhat ma ho laengku mandapothon Tuhan Jesus Kristus di surgo hasonangan i. (Laos diampehon ma Ulos Saputi tu na mondingi).

Itulah Contoh Mandok Hata Pasahat Ulos Tujung Dan Pasahat Ulos Saput yang biasa di ucapkan dalan acara kematian pada suku Batak.Horas!!

Posting Komentar

Silahkan Berikan Komentar Maupun Kritik Yang Membangun Dilarang Meninggalkan Komentar Yang Bersifat Asusila,Narkoba,Mari Hormati Ras,Agama,Dan Budaya.
👋HORAS👋

Lebih baru Lebih lama

Formulir Kontak